حافظوا على من تحبون

3/22/2020 9:38:16 AM





حنان أمين سيف


الدنيا فانية بلاش نزعل من بعضنا ممكن فى يوم متلاقيش الشخص اللى زعلته موجود علشان تصالحه. فى الوقت ده هتحس بندم شديد وحزن فى قلبك انه فارق الحياة وهو زعلان منك. وتتمنى يرجع للدنيا لو ثوانى علشان تصالحه وتراضية.



كل حاجة فى زوال الا الذكرى الجميلة بنعيش عليها وبتكون سبب استمرار الحياة ووقت ما بتفتكر الايام واللحظات السعيدة اللى عشتها بتحس بالسعادة ويتتمنى ترجع تعيشها تانى حتى لو دفعت عمرك اللى باقى من حياتك ثمن للحظات وأيام عشتها وانت كلك سعادة مع أشخاص كان ك
ل هدفهم هو سعادتك .


اوقات مبنقدرش قيمة اشخاص ولا بنقدر مكانتهم فى حياتنا الا بعد ما نفقدهم أو يبعدوا عنا، بنحس أن حياتنا وقفت واحساسنا بالحياة معدوم، بالرغم أنهم كانوا معنا وكنا بنهملهم ونتحجج للابتعاد عنهم وفى نفس الوقت متأكدين انهم مش هيقدروا يستغنوا أو يبعدوا وبتكون صدمة أنهم قدروا يبعدوا وعاشوا وكملوا حياتهم .


حافظوا على من تحبون أعطوا لهم مساحة كافية من وقتكم. اسعدوهم حتى لو بكلمات بسيطة هتكون عندهم اغلى من كنوز العالم.


لا تهملوا من تحبون خصصوا لهم بعض الوقت للتحدث معهم أو تقضوه بصحبتهم، لا تكونوا بخلاء فى مشاعركم تجاه من تحبون، حتى لا تندموا على تقصيركم معهم بعد فوات الاوان.


القلوب الصادقة تحب بصدق، تعطى بلا حدود، تنجرح من اقل كلمة، توفى بالعهد، تبقى على الوعد، تتمسك بمن تحب إذا جرحها حتى لاتفقده وتخسره اعتقادا ان يقدرون الحب الذى تمنحه لهم.


الأشخاص الذى يملكون هذه القلوب قليلون عندما يصادفكم اى منهم لا تفرطون فيهم واعطوهم قدرهم حتى لا تندمون عند خسارتهم و تتحسرون على اللحظات والاوقات التى عشتوها معهم.

سوشيال

تابعونا على جميع الوسائل الاكترونية الاعلامية

أهم الأخبار