كتبت /عزة عبد العزيز
المقادير
ك بصل
٤طماطم مفرومة
وبصلة كبيره متقطعه ناعم و ٤-٥ فصوص ثوم مفروم
وبقدونس مفروم و كزبره مفرومة
و حبة من نعناع مفروم
بهارات مشكله مطحونه ،
ملح ، فلفل اسود ، شطة ( حسب الرغبه ) واخيرا كوبايتين رز
الطريقة
نقطع البصل من فوق ومن تحت ونشيل قشرته ونسلقه نص سلقة وبعدين نصفيه من الماية وتخليه على جنب لما يبرد بعد ما يبرد البصل نقطع البصل بالسكين من الجنب للنص يعني لحد ما نوصل لنصها وبعد ماتتفتح البصلة ونفصصها نحشي كل شريحة ونقفلها علي نفسها .
للحشو
نحمر البصل مع الثوم بحتة زبده مع زيت وبعدين نضع الطماطم و البهارات والملح ونسيبهم يتسبكوا شوية وبعدين ننزل بالخضرة والنعناع وننزل الرز اخر حاجة
نحشي بقي البصل ونرصه في صينية او حلة
نيجي بقي للتسقية شوربة لحمة وعليها شوية صلصه طماطم وملح وفلفل ومكعب مرق و نصبها فوق البصل لحد ما نغطي البصل وعلي نار عالية يغلي وبعدين نوطي النار خالص لحد مايستوي وبألف هنا
