اسلام ابراهيم يحذر الامهات.. بصفته أخصائي تخاطب أطفال
كتبت: هبة رمضان
حذر الفنان اسلام ابراهيم على حسابه بموقع “فيس بوك” االامهات وجاء نصه كالآتي: “معلش أنا حابب أتكلم في حاجة غيظاني بعيدا عن الفن تماما بما إني كنت في يوم من الأيام أخصائي تخاطب وتعديل سلوك للأطفال وشغلي كله كان مع الأطفال وبردو ده رأيي الشخصي المتواضع”.
تابع: “هو لما حضرتك تبقي خارجة شارية المول كله وفي إيدك خمستاشر كيس، وبأكد إنه المول مش السوبر ماركت وطلبات البيت، وواقفة ذالة العيل قدام بتاع الكاندي وبتقوليله هنشتري حاجة واحدة بس والطفل يا قلب أمه واقف في عينه حسرة وحيرة، ومش عارف يعمل ايه وهو واقف قدام كل الإغراءات والألوانات دي.
كما ان لو حضرتك كده متخيلة إنك تربوية؟!، لو هتلزمي الطفل إنه يشتري حاجة واحدة بس يبقى لازم إنتي كمان تشتري حاجة واحدة بس.
بالاضافة الى ان الطفل حضرتك أذكى مني ومنك، وذاكرته البصرية أعلى مني ومنك.
كما ان عينه دي عبارة عن كاميرا بتخزن كل حاجة، عينه شايفة الأكياس في إيدك وودنه بتسمع العكس”.
واكمل: “للأسف بشوف المنظر ده في كل خروجة وبقى بيتكرر كتير جدا أكيد تربويا، لازم نعلم الطفل يبقى عنده قناعة ورضا.
وإن مش كل حاجة بنشوفها نقدر نجيبها بس لازم نبدأ بنفسنا الأول.
نفسي نبطل نبقي حافظين مش فاهمين، طبعا لو الطفل اللي في الصورة ده محدش يجيبلوا حاجة أصلا”.
