الفنانة اللبنانية منار لأسرة شعبان عبد الرحيم أنا عايزة ورثى
كتبت: هبة رمضان
عقب ظهور الفنانة اللبنانية منار منذ شهر مطالبةً بنصيبها من ميراث الفنان الشعبي شعبان عبد الرحيم، الذى رحل منذ عام، بعد صراع مع المرض، والذى أثار استغراب أسرة “شعبان”.
وأكدت منار، عدم معرفتها بورثه الفيلا من شعبان عبد الرحيم الشهور الماضية، موضحة أنها أثناء وفاته كانت تتواجد بأمريكا، بس محامي شعبان عبد الرحيم كلمني وبعتلي المستندات بس فى مشاكل فى العائلة، وعصام رافض يديني الحاجة”.
وأضافت: “لو ليا حق هاخده بالقانون، أنا منتظرة عشان أجي مصر، عشان أشوف بلدي التانية واشوف موضوع الفيلا وايضا فى خلافات بيني وبين عصام وفى نفس الوقت هو أخويا، وأنا مش هخسره هو وأخواته عشان الفيلا”.
وعاوزة أوجه رسالة لعصام أنا كتير بحبك إنت وأخواتك، إنتوا ولاد شعبان عبد الرحيم هرم من أهرامات مصر، وهو كتير وقف معايا”.
وبسؤالها عن حقيقة زواجها من شعبان عبد الرحيم قالت:
“هو لو عندكم فى مصر شخص قدم لشخص حاجة لازم يكون متزوج منه، فى الحقيقة أنا مش متجوزة منه، هو شخص كريم وقدم هدية لي، شعبان كان بمثابة الأب الروحي ليا”.
قال عصام شعبان عبد الرحيم: “أنا أول مرة أسمع الكلام ده، ومش فاهم حاجة بصراحة ومصدوم لأن مش عارف هي لها حق فى ورث أبويا على أي أساس”.
منا لديها مستندات تثبت حقها بالميراث
وأضاف: “هي بتقول معاها مستندات وأوراق بتثبت إن ليها حق فى الورث، وأنا لو أبويا الله يرحمه عمل كدة فعلًا وكتب حاجة ليها مش هقدر أكسر كلمته فى طربته، لأن فى النهاية هما عشرة وأبويا كان بيحبهم ومعتبرهم أسرة واحد، وإحنا زي الحاج شعبان عبد الرحيم مش بنحب المشاكل خالص”.
وكانت منار، في فيديو عبر حسابها الرسمي على موقع التواصل الإجتماعي «فيس بوك»، لتوجه رسالة للفنان الشعبي عصام شعبان عبد الرحيم، من أجل طلب الإرث منه، وحل الأمر سريعًا بدلًا من وصوله لساحات المحاكم.
وتابعت: «أما عن موضوع الفيلا والورث نتركه للقانون وفى يد المحامي أفضل وأنا عمري ما هاخد حاجة غصب عنكم، وبدل ما يوصلي كلام من هنا وهنا ياريت تكونوا واضحين».
كما قدم الفنان شعبان عبد الرحيم، كليبًا مع الفنانة اللبنانية منار، بعنوان «هتجوز لبنانية»، والذى انتشر بشكل كبير وقتها.
